गारवा
पहाटेच्या वाऱ्यास मिलनाची आस
पात्यावरचे दवं अलगद समजावी
मज वाटे गारवा हा.. झुळूक येता
सुगंधित होऊनी सकाळ बहरावी
© कमलेश सोनकुसळे
काटोल, नागपूर ७५८८६९१३७२
गारवा व तुझ्या आठवणीने
अंग माझं शहारून जातंय
नजरेसमोर नसून सुद्धा
अस्तित्व मात्र जाणवतंय
© कमलेश सोनकुसळे
काटोल, नागपूर 7588691372
तू असताना जवळी
मज गारवा वेडावतो...
सखे, विणेची तार छेडीता
वाराही गाणे गातो...
© कमलेश सोनकुसळे
संध्याकाळचा गारवा
पुन्हा पुन्हा खुणावतो
तू नसून सुद्धा क्षणात
आठवणीत पाठवतो
© कमलेश सोनकुसळे
गारवा म्हटला की
फक्त तुझी आठवण
आपुल्या मिलनाची
पुन्हा तिच साठवण
© कमलेश सोनकुसळे
क्षणाचा गारवा
थंडीचा गोडवा
भुरळ पाडे मना
प्राजक्ताचा सडा
© कमलेश सोनकुसळे
