बंदीस्त नाती

बंदीस्त नाती

पिकले पान ते, वाळले कधीचे
नियम जगाचे, पाळले कधीचे

सुगंध नात्यांचा, मनी दरवळे
गजऱ्यात फुले, माळले कधीचे

नियतीने केली, थट्टा जगण्याची
हृदयी असावे, ढाळले कधीचे

वार पाठीवरी, अकस्मात झाला
शब्द अंतरीचे, जाळले कधीचे

ते व्रण आजही, खुणावी नयनी
स्वप्न भविष्याचे, गाळले कधीचे

ती बंदीस्त नाती, वाचण्या चुकलो
जखमांचे पान, चाळले कधीचे

आठवांची व्यथा, सातजन्मी मिळे
संचिताचे डाव, भाळले कधीचे

श्वासात गुंतली, अदृश्य लेखणी
अक्षरांचे लोंढे, टाळले कधीचे

© कमलेश तु. सोनकुसळे
काटोल, नागपूर 7588691372