शब्दांची कैफियत
जीवन असेच लढूनी संपणार शेवटी
शब्दांची कैफियत मी मांडणार शेवटी
महामारीवर मात अजून झाली कोठे ?
हे लॉकडाऊन सर्वत्र लांबणार शेवटी
तो विषाणूचा विळखा आ वासून उभा
मृत्यूचा तांडव मग थांबणार शेवटी
तो आर्त आकांत उमटला चेहऱ्यावरी
भुकेले पोट वेशीवर टांगणार शेवटी
सोमरासाशिवाय काढलेत दिस कैकांनी
ते अमृत प्राशुनी सर्व झिंगणार शेवटी
सरणावरती झाली लाकडे मोजकीच
ही गर्दी माणसातून पांगणार शेवटी
शब्दांतून असाच मी झिरपू लागलो
शब्दांचेच नक्षत्र मी मागणार शेवटी
© कमलेश सोनकुसळे, काटोल
