उरल्या त्या आठवणी

गेले ते दिवस पहाटेचे,

तू दिसायची अंगणात,

तुझी काया शोधतांना,

उरल्या त्या आठवणी हृदयात.

गेले ते दिवस सकाळचे,

तू दिसायची मंदिरात,

तुझी छाया शोधतांना,

उरल्या त्या आठवणी हृदयात.

गेले ते दिवस सांजवेळचे,

तू दिसायची बागेत,

तुझी सावली शोधतांना,

उरल्या त्या आठवणी हृदयात.

गेले ते दिवस रात्रींचे,

तू दिसायची स्वप्नात,

तुझी प्रतिमा शोधतांना,

उरल्या त्या आठवणी हृदयात.

गेले ते दिवस प्रितीचे,

तू दिसायची हास्यात,

तुला विरहात शोधतांना,

उरल्या त्या आठवणी हृदयात.

गेले ते दिवस कवितेचे,

तू दिसायची शब्दात,

तुला काव्यात शोधतांना,

उरल्या त्या आठवणी हृदयात.

© कमलेश सोनकुसळे

काटोल, नागपूर 7588691372

kamlesh1029@gmail.com